Monthly Archives: June 2019

ወፍሪ ልምዓት ምትእኽኻብ ቴሌቶን 16 ሰነ 2011 ዓ/ም ድሕሪ ሰዓት ሸሞንተ ኣብ ሓወልቲ ሰማእታት ትግራይ ክካየድ እዩ፡፡

ወፍሪ ልምዓት ምትእኽኻብ ቴሌቶን 16 ሰነ 2011 ዓ/ም ድሕሪ ሰዓት ሸሞንተ ኣብ ሓወልቲ ሰማእታት ትግራይ ክካየድ እዩ፡፡
ነዙይ ኣመልኪቶም ጋዜጣዊ መግለፂ ዝሃቡ ኣባላት ወፍሪ ልምዓት ምትእኽኻብ ቴሌቶን ኣይተ ኣሸናፊ ሃይሉን ፍፁም ኣስገዶምን ኣብ ውሽጥን ወፃእን ዓድታት ዘለው ተወለድትን ፈተውትን ትግራይ ኣብዚ ቴሌቶን ብቐጥታ ተሳተፍቲ ንምግባር ዘኽእል ብቴሌቪዢናት ትግራይ ቀጥታ ፈነወ ከም ዝካየድ ሓቢሮም፡፡ምስዙይ ብተወሳኺ ናይ ወፃኢ ዓድታት መራኸብቲ ሓፋሽ ድማ ነዙይ ንምቅላሕ ክመፃ እየን ከም ሓበሬታ እዞም ወሃብቲ መግለፂ፡፡

16 ሰነ 2011ዓ/ም ብዓይነቱ ፍልይ ዝበለ እቶት ምትኽኻብ ቴሌቶን ኣብ ከተማ መቐለ ከም ዝሳለጥ ተገሊፁ፡፡

ኣብ ፅባሕ መዓልቲ ሰማእታት 16 ሰነ 2011ዓ/ም ካብ 200 ክሳብ 250 ሚልዮን ብር ካብ ነጋዶ ፣ ሰብ ሃፍቲ ተጋሩን ፈተውቲ ትግራይን ንምእካብ ትልሚ ዝተትሓዘሉ ታሪኻዊ እቶት ናይ ምትእኽኻብ ቴሌቶን ኣብ ከተማ መቐለ ሓወልቲ ሰማእታት ከምዝሳለጥ ኣሳናዳኢት ኮሚቴ ነጋዶን ሰብ ሃፍቲን ከተማ መቐለ ሎሚ ንጋዜጠኛታት ኣብ ዝሃብዎ መግለፂ ሓቢሮም፡፡

ብሄራዊ ክልላዊ መንግስቲ ትግራይ ኣብ ዩኒቨርሲቲ ኣክሱም ንዝተፈፀመ ገበን ቕትለት ተምሃራይ ብዕሊ ኾኒኑ።

ምክትል ርእሰ ምምሕዳር ክልል ትግራይ ዶ/ር ደብረፅዮን ገ/ሚካኤል ሎሚ ንጋዜጠኛታት አብ ዝሃቡዎ መግለፂ ፤ብዘጋጠመ ሞት ተምሃራይ ዩኒቨርስቲ ዝተሰምዖም ዓሚዩቕ ሓዘን ብምግላፅ ንስድራ ፣ መሓዙትን ፈተውትን ፅንዓት ተመንዮም።

ዶክተር ደብረፅዮን ገ/ሚካኤል ኣብ መግለፂኦም ” ንህዝብን መንግስትን ትግራይ ኣሚኑ ኣብ ልዕሊ ዝመፀ ተምሃራይ ከምዚ ዝበለ ተግባር ምፍፃሙ ፍፁም ተቐባልነት ዘይብሉን ክኹነን ዘለዎን ተግባር እዩ።” ኢሎም።